Present Perfect Tense

මෙය යම් දෙයක් කරලා තියෙනවා යන්න අදහස් දැක්වීමට මෙම කාලය භාවිතා කරනු ලබයි. මෙහිදී භාවිතා වෙන ප්‍රධාන නීති පහත දැක්වේ.

නීති

01. මෙහිදී ඒක වචනයෙන් වාක්‍යක් නිර්මාණය කරන විට has ද බහු වචනයෙන් වාක්‍යක් නිර්මාණය කරනවිට have යන්න භාවිතා වේ. සරලවම කිව්වොත්,

I, We, You, They, ගොඩක් එක්ක have ද, He, She, It, නමක්, ගමක්, නගරයක්, ස්ථානයක් සමග has භාවිතා වේ.

02. වාක්‍යය නිර්මාණයේදී ක්‍රියාපදය past participle අවස්ථාවෙන් ලිවිය යුතුය. ඒ කියන්නේ ක්‍රියාපදයක තුන්වන අවස්ථාව,

උදාහරණයක් විදියට Drink එකේ past participle වෙන්නේ Drunk.එතකොට මේකට භාවිතා කරන්න වෙන්නේ Drunk කියන එක.
එතකොට Go ගත්තොත් අපිට භාවිතා කරන්න වෙන්නේ Gone කියන එක. පොඩ්ඩක් ගූගල් එකේ සර්ච් කරලා බලන්න ඔයාලට ඕනේ තරම් ක්‍රියාපදවල past participle අවස්ථාව හොයාගන්න පුළුවන්.

03. නැත යන්න ප්‍රකාශ කිරීමේදී එය ඒක වචන වාක්‍යක් නම් has not ද එය බහු වචන වක්ස්යක් නම් have not ද යේදේ.

04. ඇත ආකාරයෙන් ප්‍රශ්න නිර්මාණය කරන විට එය ඒක වචන වාක්‍යක් නම් has මුලට යෙදේ, බහු වචන නම් have මුලට යෙදේ.

05.නැත ආකාරයෙන් ප්‍රශ්න නිර්මාණය කරන විට එය ඒක වචන වාක්‍යක් නම් has not මුලට යෙදේ, බහු වචන නම් have not මුලට යෙදේ.

Subject + has/have + Verb(past participle)

උදාහරණ

- මම බත් කාල තියෙනවා - I have eaten rice
- මම බත් කාල නෑ - I have not eaten rice
- මම බත් කාල තියෙනවද? - Have I eaten rice?
- මම බත් කාල නැද්ද? - Haven't I eaten rice?

- ඔහු බත් කාල තියෙනවා - He has eaten rice
- ඔහු බත් කාල නෑ - He hasn't eaten rice
- ඔහු බත් කාලා තියෙනවද? Has he eaten rice?
- ඔහු බත් කාලා නැද්ද? - Hasn't he eaten rice?

ඉතින් ඔන්න ඔහොම තමා present perfect tense එක භාවිතා කරන්නේ. ඊලග පොස්ට් එකෙන් හමුවෙමු. !